前情提要
---------------------------------------------------------------------------------------------
人物簡介
♪ Level One
♪ N
搞笑嘅悲情女主角（！）
其餘團友
♪ 哈比人（又稱我朋友）
♪ 母女
人物簡介
♪ Level One
比我更唔識路嘅導遊先生
能夠將任何景點化神奇為腐朽
*** 擁有木村 + 夏韶聲嘅 look ***
佔全團 5/11 嘅大 group
♪ 我
美女一名（自稱）(≧∀≦)
♪ B
人如其名，very bitchy
經常挑戰 Level One 嘅權威
♪ P
智慧型女性，比 Level One 更勝任導遊一職
亦係我同房、買到 $50@ Lowrys Farm 衫嗰個 T___T
♪ J
我哋 group 唯一一個有 J 人士
♪ N
搞笑嘅悲情女主角（！）
其餘團友
♪ 哈比人（又稱我朋友）
兩公婆比 148cm 嘅我更矮...
我啲朋友叫人做哈比人好缺德，所以我叫佢哋做我朋友
佢哋仲有一個好高嘅女親朋，貌似關菊英
OK 好一個星光熠熠嘅團 -________-|||
佢哋年紀都係 40+
因為 P 話報團定唔知茶會嗰陣見個 list 得 11 個人
唔覺意望到人哋幾歲喎 XD
♪ 母女
兩母女嚟嘅，簡稱母女
個女係中年女性，個呀媽好 nice
---------------------------------------------------------------------------------------------
2/5
(*ﾟーﾟ) 第二日正式開始我哋嘅觀光之旅！
（呀，原來我係五月尾去沖繩！哈哈哈哈哈）
沖繩以前係琉球王國所在地，後來收咗皮就納入日本
成為其中一個縣：沖繩縣
既然以前係一個王國，咁當然會有王宮啦
而首里城就係琉球王國嘅宮殿
首里城都幾大，可以參考下下面個地圖
首里城都幾大，可以參考下下面個地圖
上面地圖啲點點都係唔同嘅景點嚟
我哋去嗰陣啱啱好有個印仔活動
首先喺入口攞張單張
只要去到嗰啲景點會有個「模擬」景點外形嘅印仔
等你睇過嗰個景點就可以 cup 返個印留念，邊行邊玩
嗯... 放大啲俾你哋睇
個印仔真係好流架咋，哈哈哈！
呢三個專係用嚟紀念嘅印比較靚
當時我哋點樣發現有呢樣嘢架呢？
（係呀，你唔係以為 Level One 會叫我哋玩呀嘛？！）
就係 B 見到啲日本學生個個都攞住張嘢喺度排隊
於是就問 Level One 啲學生喺度排咩啦
-----------------------------------------對話分隔線----------------------------------------
Level One：佢哋 cup 夠 xx 個印仔，就可以換啲小禮物
不過要 xx 歲樓下先有得換
B：點解你唔同我哋講？
Level One：xx 歲嗰啲學生先玩架喎
B：咁唔係學生係咪要畀錢吖？
Level One：咁又唔駛錢........
B：咁你可以同我哋講，我哋自己決定 cup 唔 cup 架嘛
-----------------------------------------對話分隔線----------------------------------------
結果除咗我哋幾個，連 40+ 嘅我朋友同母女都喜孜孜咁排隊 cup 印（！）
明明大家都好鍾意，Level One 繼續死撐話我哋轉頭就會玩厭
Level One 實在太睇少香港人對呢啲唔駛錢 19 玩意嘅熱愛程度喇
而且去旅行就係做呢啲 on9 嘢都會好開心架啦
係咪發覺好多呢啲廢話嘅篇章呢？
因為成個 trip 嘅精粹就係呢啲嘢，我都無計哈哈哈
講返被冷落於一角飲泣啲首里城先（！）
♫ 一開波個城門叫守禮門，顧名思意就係遵守禮節咁解
（原本入口仲有個中山門，不過已經被毀壞咗）
牌匾上面寫住「守禮之邦」，就係指琉球王國係個遵守禮節嘅國家
所以所謂嘅首里城其實就係守禮嘅同音字
而 2000 年嗰陣，日本就出過啲用守禮門做圖案嘅 2000 yen 紀念鈔
由於係限量版紀念鈔
Level One 馬上沾沾咁攞佢嗰張 2000 yen 紙鈔俾我哋欣賞 XD
呢一個.. 係一個古惑的門，因為佢根本唔係門嚟（！）
佢係俾琉球國王出門之前祈求平安用
門咁嘅外形，係象徵能夠通往神明之道（！）
咪睇佢罨罨耷耷（up up dup dup）咁呀
又係 2000 年，人家登錄咗做世界遺產架喇~~~~
---------------------------------------------------------------------------------------------
♫ 跟住就行到去歡會門
Level One：歡會門即係「歡迎嚟聚會」咁解，所以呢個先係正門
雖然呢度個個地方都係照字面解
但係硬係覺得 Level One 講啲嘢好廢話哈哈哈
當啲人講埋啲廢話：嘩你唔早講？或你不如唔好講？
例子：
話雖如此，Level One 仍然係逼我哋要跟住佢行
聽佢講解哂先准自由行
佢話如果唔係呢，睇唔明啲景點就浪費咗喎
於是我班 pk 朋友派我做代表行先
佢哋就同呢個得意伯伯合照，嗚嗚
---------------------------------------------------------------------------------------------
♫ 呢個有個五百幾年歷史嘅泉水 ── 龍樋
（樋：從河川或泉水引水嘅水管）
我朋友好想觸碰啲泉水咁 XD
由於呢個龍樋好清澈，所以附近有好多古時候中國使臣題字嘅石碑
足足有成七個咁多！被稱為「冊封七碑」
 |
| 「中山第一」 |
 |
| 「雲根石髄」 |
 |
| （由左至右）「飛泉漱玉」、「靈脈流芬」、「源遠流長」 |
♫ 龍樋後面仲有個瑞泉門，意指「吉祥之泉」
係因龍樋而得名，好有面子呀龍樋
---------------------------------------------------------------------------------------------
♫ 穿過瑞泉門、左邊就有個漏刻門
， 意指「水鐘」
係睇時間同報時嘅地方
yay 我班 pk 朋友又返返嚟喇 XD
報時就有個報時鼓，喺間叫供屋嘅屋仔入面，係複製品
（哈哈，都話呢度樣樣嘢都係照字面解架啦）
---------------------------------------------------------------------------------------------
♫ 終於都到廣福門喇（意指：廣播福氣）
過咗呢度就進入有料區域（即是要收費），要買飛入正殿就係呢度
---------------------------------------------------------------------------------------------
♫ 過多個奉神門就嚟到正殿喇
Level One 話正殿個唐破風建築模式好特別
喺日本嘅建築嚟講好少見
我都唔知乜鬼嘢叫唐破風，於是上網查吓啦
初初以為係「唐破」「風」，一種叫「唐破」嘅風格 XD
原來「破風」係指個屋頂建築，即係上面「倒 U」嗰舊嘢
唐破風就係其中一種屋頂建築嘅風格，所以應該係「唐」「破風」先啱
而唐破風就係個「倒 U」兩邊凹入面、中間凸起咁樣
呢種風格係源於中國唐朝，因而叫唐破風
我當然有問過 Level One 啦，條友亂講咗啲嘢 hea 我 -.-""
♫ 而前面紅色一條條嗰啲叫御庭，係俾啲官員棟喺度嘅
好似平時睇 CCTVB 啲古裝片咁，啲文武百官咪企哂喺度上朝嘅
入到正殿見到個紙板花樣男
飢不擇食嘅 N* 狗衝去同佢影相，哈哈哈
因為正殿入面要除鞋參觀，所以我哋獲派一人一個膠袋入住對鞋
入面好寬敞，可以話... 係乜柒都無（！）
通常王宮都係最靚嘅地方，但都已經係咁
難怪琉球王國而家變咗做沖繩縣 XDDDD
♫ 呢度係左右兩邊嘅「平御差床」，係俾啲皇子皇孫打躉嘅地方
嗱..... 真係空了了架 XD
♫ 正殿中央嘅「御差床」，就華麗得多喇
話哂係國王上朝嘅地方嘛
（不過爆咗 seed 都係咁咋 XD）
王座上面有個康熙賜嘅「中山世土」牌匾，好 frd 嘛 ^__^
（古時候嘅中山係指琉球，所以個龍樋先會俾人讚做「中山第一」）
呢度個地下會無啦啦開個窿畀你睇下啲結構（！）
---------------------------------------------------------------------------------------------
出咗正殿，左右兩邊仲有北殿、南殿
• 番所、書院
• 鎖之間同庭園
♫ 北殿風水好啲，用嚟接待使節
咁嗰陣又同中國 frd，所以舉行中式儀式都係喺北殿
♫ 咁南殿就搞日式儀式
同南殿相連嘅番所就見客同埋搞奏折
♫ 書院 • 鎖之間喺南殿 • 番所嘅後面
書院俾國王處理日常政務，而鎖之間又俾王子用
而家嘅南北殿都係用嚟擺展品同賣手信
書院 • 鎖之間就有下午茶食（！）價錢都唔貴架
不過我哋無幫襯，好似 300 yen 有杯茶幾件餅
好！咁繼續前進
頭先咪話有個上朝嘅御庭嘅
有個得意公仔版 (o◕ܫ◕o)
佢哋得個背脊、無樣架
我俾啲相媽咪睇，佢話以為係真人 XD
---------------------------------------------------------------------------------------------
♫ 有個 Q & A 板都好有趣
Q: 國王身著什麼服裝？
A: 平時穿藍染的琉球服裝。在舉行儀式時是身著華貴的琉球及中國服裝（！）。
Q: 國王平時都吃些什麼？
A: 國王的日常飯菜很簡單。
有米飯、湯、炖菜（青菜、豆腐、肉丸和魚丸的炖菜）、
炒菜（各種材料放在一起炒）、咸菜等。
國王都係食啲咁嘅嘢咋！！！xx(
---------------------------------------------------------------------------------------------
手信區有好多 origami ✿
可愛嘅 shisa origami
首里城正殿 origami
唔知點解有好多童裝
凡係有沖繩字樣嘅嘢，我都覺得充滿沖繩風息（？）
有一大堆 shisa
辟邪嘅石敢當
又係超想要！！！>________<
我覺得舊石寫住「石敢當」好得意
但朋友們話好無聊唔准我買 T________T
♫ 最後仲有啲首里城模型
呢個著燈燈模型好 "you dun say" 地識得著燈
幾好玩，但無敵多塵（！！！）
睇
嚟 好少人好似我咁有情趣品味，鍾意玩禁燈仔
---------------------------------------------------------------------------------------------
王國村入口嘅綠化 shisa
呢度打造返琉球王朝時代嘅舊風貌
所以有好多傳統工藝坊同舞蹈表演 —— 琉球舞踊
本來我仲同 P 講，話做沖繩人、做遊客生意好正
點知睇完琉球舞踊我就收哂皮，哈哈哈
完 • 全 • 係 • 力 • 的 • 表 • 現！
---------------------------------------------------------------------------------------------
♫ 玉泉洞其實即係鐘乳石洞
估唔到沖繩都有鐘乳石睇
呃.... 我當初係懷住一個浪漫憧憬嚟架嘛
實情完全係唔知沖繩有咩景點（！）
呢啲... 就係旅遊嘅浪子心，哈哈哈哈
---------------------------------------------------------------------------------------------
就喺呢個時候，久未登場嘅 Level One 又發功喇！哈哈哈
Level One：如果大家有去過大陸嘅鐘乳石洞呢...
真係大好多架，真係架
咁就... 沖繩呢個真係無得比架（！！！！）
咁呀.. 沖繩呢個嘅特色就係.......
夠細啦（！！！！！）哈哈哈..........
Shit 我未去過大陸嗰啲鐘乳石洞
我 • 從 • 來 • 未 • 睇 • 過 • 鐘 • 乳 • 石
今 • 次 • 係 • 第 • 一 • 次 • 睇
當然啦，我哋係唔會俾嘅 Level One 負能量打敗架 XD
啲鐘乳石全部有名有姓、品質保證 ♪
呢個「岩窟王」令我聯想起《金田一》... 真嗰個
唔係花生大大寫嗰個甜故 XD
（嗯...... 又係高登講故台，哈哈哈哈哈哈）
「初戀廣場」
「青泉」
真係有顏色架喎！
不過呢啲好似係燈光效果嚟 XD
呢個壺係啲工作人員突登擺喺度
想睇吓三十年後會變成點
仲建議大家將來帶埋啲子孫嚟睇、嚟比較吓
好識做生意呀吓！哈哈哈
呢度就講啲鐘乳石要用幾多年先去到邊個長度
有把尺比你拼架
我淨係記得下面卡紙後面嗰舊鐘乳石已經係七年成果
都係得咁細舊咋 *O*
不過唔肯定係咪七年，因為我個腦只記得 Level One 講嘅廢話 -_-
最後係唔影會死嘅紙板公仔相☻
初初我男朋友會話我低 b，叫我咪影呢啲相
慢慢進展到佢會一臉鄙視咁幫我影（！）
---------------------------------------------------------------------------------------------
♫ 呢度其實係一個沖繩文化主題公園
除咗玉泉洞，仲有個熱帶水果園
簡介話果園有百幾種熱帶果樹
不過我覺得無咩好睇
沿途見到有啲不知名生果，我哋就喺度指手劃腳研究啦
由於有啲水果嘅讀音同中文有少少似，我都估到佢意思
B 同 N 呢兩條學過日文（幾年！）嘅友
程度同我哋呢啲 laymen 一樣，哈哈哈
果園入面仲有個蝴蝶園同鳥園
雖然都會有啲特別品種，不過我哋邊識分吖
隻隻都係蝴蝶架啦，哈哈
蝴蝶園出面有個小檔攤，賣啲木制小蜻蜓
我以前都見過架，嗰啲小蜻蜓有個尖嘴、放喺邊都可以企起身
重點：個靚仔哥哥中英文都好流利 XD
---------------------------------------------------------------------------------------------
♫ 琉球玻璃村係其中一個工藝坊
有得（自己企喺度）睇啲人吹製玻璃，或者俾錢學整
隔離就有琉璃制品賣
Jer 形嘅琉璃燈（！）好可愛
我哋乜都無整，買咗支雪糕坐喺度 hea -____-
 |
| 芒果味 |
 |
| 核突 N 小姐溶解味 xx(
偉大嘅紙板神又出現鳥
 |
有好多食肆同手信舖，條街左右兩邊都差唔多
 |
| 只要寫住「沖繩」我就唔知點解好鍾意 |
 |
| 仲有好鍾意「苦瓜」造形嘅嘢，因為好「沖繩」 |
 |
| 貌叫「大便」哈哈哈 |
行行吓轉入呢條雜貨大街
條街入面隱藏咗有「沖繩的廚房」之稱嘅第一牧志公設市場
平平無奇嘅外表，蘊涵無數嘅海鮮！刺身！
幫襯完可以上二樓，煮埋俾你品嚐（另外俾錢）
 |
| 相依為命蝦 |
 |
| 在刺身中心呼喚我 |
 |
| 間間都有售嘅神奇夜光貝，有無人知咩味呢？ |
 |
| 好平呀 >_________< |
 |
| 海膽 $80、帆立貝 $50 左上嗰兜海葡萄送嘅 |
原本 Level One 都有叫我哋加錢食 sashimi
唔記得幾多百蚊一位
我哋跟「真」導遊 P 去街市食都好新鮮、仲平好多！
不過 P 話跟團加錢嗰啲都好大份好好食
係貴好多倍囉 ^___,^
又，上二樓食就企理啲要另外俾錢
我哋喺地下嗰層都有位坐喺度食，環境無咁靚，但係免費
（其實都好乾淨，鋪檯張報紙都係舖頭個哥哥醒我哋嘅）
我諗樓上就有人招呼囉 @@
如果想揾街市，可以同門口呢隻 shashi 相認先
因為街市個門口真係好唔起眼
--------------------------------------------------------------------------------------------
買完手信飲飽食醉又係時間食晚飯（？！）
呢間係賣紅芋批嘅元祖店
下面賣手信，我哋喺上面食飯（？）
N 命名今餐為「三碗飯一碗麵」
令到 B 喺 facebook 呃到唔少 like
其實餐飯好睇唔好食 xx(
 |
| 難食版肉燥飯 |
 |
| 唯一好食少少嘅魚生飯 |
 |
| 舊肥豬肉好食！食完三舊肉可以收皮... |
最後梗係唔少得紅芋批紙板公仔啦 ∩＿∩
仲有個立體紅芋批 ♥
--------------------------------------------------------------------------------------------
手信系列
我已經無咁好心機砌靚啲手信影相喇
以下係 P 買嘅
♪ P 話休足時間超級無敵好用
信佢啦，佢都係尊業嘅護士（嗯，我就....... 哈哈哈）
♪ 龍角散對喉嚨痛好有效（N 老師講嘅）
補習天后我仲未試
♪ 黑糖係手信必選
事實上好甜好難食........
♪ 原來沖繩嘅波蘿都好出名
味 OK，不過唔特別
唉香港乜都有得食，無計
♪ 紅芋批又靚又好食，做手信一流
我又係嚟到先知沖繩出名呢樣嘢，哈哈哈
但價錢有少少貴
♪ 嗰包有朵花嘅紙袋，係中午喺王國村買嘅花茶
試飲係唔錯，B 返到香港自己沖就好 L 難飲
大伏，千祈咪買！
♪ 我仲買咗一堆星砂鎖匙扣
我喺國際通嘅便利店見到呢愛麗斯紙制品 ♥
嗯，當然無買啦 T_______T
買咗個銀魂鎖匙扣畀男朋友，超 • 鍾 • 意 • 呀！
定春 cosplay shisa + 呀銀拎住個寫住「沖繩」字樣嘅苦瓜
（海豚音）kawaiiiiiiiiiiiiiiiiiiiiiiiiiiiiiiii
呢支苦瓜小丸子原子筆送畀妹妹
苦瓜苦瓜 ♥
上一篇咪話酒店間舖仔有特色文具嘅
就係指呢啲 cosplay 沖繩特色嘅 items 喇 >____< 好得意
 |
| 波蘿 bb、紅芋批 bb、苦瓜 bb >___< |
--------------------------------------------------------------------------------------------
註
* 點解話 N 飢不擇食呢？
一切就源於佢個人物介紹 —— 搞笑嘅悲情女主角
是咁的， N 雲英未嫁、走去玩塔羅牌問姻緣
個檔主話佢六月之前會遇到真命天子
心水清嘅朋友會發覺我哋個沖繩之旅已經係六月前嘅最後幾日 XD
於是我哋一直期待 N 會喺呢個團識到咩真命天子啦
（OK 只係食花生）
心水清嘅朋友又會再發覺呢個團只得三個男人：
♪ Level One
♪ J
♪ 我朋友入面嘅 40+ 老公
天呀！！！真係好殘忍呀 XDDDDDDDDD
低處未算低，個檔主仲話佢會揾到好工
但其時得佢一個未有教席 XDDDDD
（佢堆老師朋友個個都有 offer 了）
好有趣
回覆刪除